Tuis

2019 VRIES JOU GAT AF FEES : 15 JUNIE 2019
Ons eerste Vries Jou Gat Af Fees wat 23 Junie 2018 plaasgevind het, was 'n reuse sukses, soos wat die feesgangers kan getuig. Ons is super opgewonde oor die vooruitsig van die 2de Vries Jou Gat Af Fees wat op 15 Junie 2019 gehou gaan word by Die Heks se Huis, Sutherland (oorkant die Hotel, in die hoofstraat). Soos met die 2018 Fees belowe ons dat die 2019 Vries Jou Gat Af Fees net "bigger & better" gaan wees, en sien ons uit daarna om weer die 2018 feesgangers te sien plus 'n klomp nuwelinge. Sutherland is nie net die koudste plek in Suid-Afrika nie, dis ook een van die donkerste plekke op die aardbol. Hier is die sterrehemel snags so vry van enige steurende stadsligte as wat die gloedvolle Kaap—sowat 370 km ver—drie en ’n halwe eeu gelede laas moet gewees het. Bedags skarrel wildsbokkies nog altyd soos in lank vergange tye oor die velde… langs die laaste aktiewe vulkaan suid van die ewenaar wat reeds baie millenniums gelede uitgedoof is. Werklik, die kale haaivlakte is nêrens so ongetem en ongeskonde as juis hier nie. Dat die verafgeleë Sutherland in die Hantam-Karoo gekies sou word as die plek vir Afrika se eie reuse-oog op die heelal—en ’n vlagskip vir Suid-Afrika se tegnologiese programme—lyk met die eerste aanblik eenvoudig na ’n flagrante stommiteit. Kom sluit aan by ons vir 'n feestelike naweek gepak met Karoo vriendelikheid, lekker kos en die pragtige sterrehemel.